Qaramada Midoobay ayaa ka digaysa in bulshooyin badan oo ku nool Soomaaliya ay wajahayaan khatarta fatahaadaha

 Qaramada Midoobay ayaa ka digtay khatarta fatahaadaha Soomaaliya

Qaramada Midoobay ayaa ka digtay in bulshooyin badan oo ku nool Soomaaliya ay soo wajahdo qatar fatahaad kadib markii heerka wabiyada uu sare u kacay gobolada dhexe ee dalka.

Saadaasha ay soo saareen Hay’adda Cunnada iyo Beeraha ee Qaramada Midoobay iyo Maamulka Warfaafinta Biyaha iyo Dhulka ee Soomaaliya (FAO-SWALIM) ayaa lagu sheegay khatarta fatahaadaha roobabka ee ka da’aya Soomaaliya iyo deegaanada bariga Itoobiya.

Waxa ay sheegtay in qulqulka biyaha ee ka imaanaya dhanka sare ee bartamaha dhulka buuraleyda Itoobiya ay keentay in uu sare u kaco heerka webiga Shabeelle ee Soomaaliya.

Qaramada Midoobay ayaa ugu baaqday shacabka ku dhaqan deegaanada ku xeeran jiinka wabiga Shabeelle oo ay ka mid yihiin magaalooyinka Beledweyne,Buluberti,Galgalsi,Jawhar,balcad iyo kuwa kale in ay muujiyaan taxadar iyo taxadar,waxana ay sidoo kale ugu baaqday maamulada ka jira dalka in ay si dhow ula socdaan xaaladda. .

Sannadihii u dambeeyay, Soomaaliya waxaa ka dhacayay abaaro is-daba-joog ah iyo fatahaado ka dhashay isbeddelka cimilada oo saameeyay boqolaal kun oo muwaadiniin ah.