Howlgal wadajir ah ayaa qasaaro xoogan lagu gaarsiiyay dagaalyahanada Al-Shabaab ee ka dhacay howdka gobolka Shabeelaha Hoose

 Ciidamada xoogga dalka iyo kuwa Afrikaanta ayaa Al-Shabaab ka saaray dhulka howdka ah ee gobolka Shabeellaha Dhexe

Ciidamada dowladda Soomaaliya, kuwa Afrikaanta iyo Maleeshiyo beeleed ayaa howlgal ay si wada jir ah u fuliyeen waxa ay khasaare ugu geysteen dagaalyahano ka tirsan Al-Shabaab oo ku sugnaa keymo ku yaalla deegaanka Cali Voltiri oo ka tirsan gobolka Shabeellaha Dhexe ee dowlad goboleedka Hirshabeelle.

Howlgalka AFrika ayaa bayaan uu soo saaray ku sheegay in ciidamada huwanta ay u suuragashay in dagaalyahanada Al-Shabaab ay ka saaraan dhulka howdka ah,kadib maalmo ay weerar saf ballaaran ah ku qaadeen.

“Sanadihii lasoo dhaafay, keymaha Cali Voltiri waxa ay noqotay goob istaraatiiji ah oo ay argagixisadu qorsheynayeen weeraro lagu hoobto oo ay ku qariyaan rasaasta iyo walxaha qarxa ee baabuurta lagu qaado,” ayuu yiri Taliyaha Ciidamada Afrika, Sarreeye Guud Sam Okeding.

Ergayga Gaarka ah ee Midowga Afrika ahna Madaxa Hawlgalka AMISOM, Ambassador Mohamed El Amiin Suef, ayaa ugu hambalyeeyay ciidamada wadajirka ah guusha ay ka gaareen weerarka, isagoo yiri: “Waxaan bogaadinayaa dadaalka geesinimada leh ee ay ciidamadeenna geesiyaasha ah ee AMISOM iyo kuwa Xoogga dalka Soomaaliyeed ay ku wiiqayaan awoodda Al-shabaab. -Shabaab.

Waxa uu intaasi ku daray in howlgalku uu si buuxda uga go’an yahay sidii loo meel-marin lahaa qorshaha kala-guurka ah ee Somalia, kaasoo ugu dambeyn lagu wareejinayo mas’uuliyadda amniga dalka oo lagu wareejinayo hay’adaha amniga Somalia.

War saxaafadeedka ayaa lagu micneeyay in ciidamada Afrikaanta iyo kuwa xoogga dalka Soomaaliya ay hadda ku sugan yihiin dhulalka lagala wareegay, islamarkaana ay Al-Shabaab ka sifeynayaan deegaano dhaca waqooyiga gobolka Mahadaay ee gobolka Shabeellaha Dhexe.