General Ibraahim Sheekh ayaa ka hadlay ka bixitaanka ciidamada ay ka saareen qaar ka mid ah goobaha laga saaray Al-Shabaab

 Taliyaha ciidamada xoogga dalka Soomaaliya oo ka hadlay ka bixitaanka ciidamada meelaha qaar

Taliyaha Ciidanka Xoogga dalka Soomaaliyeed General Ibraahim Sheekh Muxuyidiin, ayaa ku tilmaamay ka bixitaanka Ciidamada ee meelaha qaar ee laga saaray Al-Shabaab mid istiraatiiji ah.

Hadalkan ayaa ku soo aadaya xilli uu khudbad ka hor jeediyay ciidamada xoogga dalka, saraakiisha ciidamada xoogga dalka iyo Ra’iisul wasaaraha Soomaaliya Xamza Cabdi Barre oo booqasho ku jooga Aadan Yabaaley oo ka tirsan gobolka Shabeellaha Dhexe ee dowlad goboleedka Hirshabeelle.

General Muxuyidiin ayaa kula dar daarmay ciidamada qalabka sida ee Soomaaliyeed iyo shacabka ku dhaqan magaalada “Aadan Yabaal” in ay difaacdaan magaaladooda si ay uga hortagaan in ay gacanta u gasho maleeshiyada Al-Shabaab, isagoo ugu baaqay Ra’iisul Wasaaraha Soomaaliya in uu muhiimadda koowaad siiyo horumarinta magaalada. gobolka.