Isbahaysi Cusub oo Siyaasadeed oo Lagu Magacaabay “Midnimada Qaranka”

 Isbahaysi Cusub oo Siyaasadeed oo Lagu Magacaabay “Midnimada Qaranka”

Sagaal siyaasi oo caan ah oo Soomaaliyeed ayaa ku dhawaaqay isbahaysi cusub oo lagu magacaabo “Midnimada Qaranka”, iyagoo u doortay Cabdi Faarax Shirdoon (Saacid) inuu noqdo musharraxooda madaxtinimada ee doorashada 2026.

Isbahaysigan cusub ayaa lagu sheegay inuu yahay mid lagu doonayo in lagu mideeyo dalka, lagu soo celiyo kalsoonida shacabka, laguna dhiso dowlad daahfuran oo hufan.

Hoggaamiyeyaasha oo hore uga tirsanaa ururro kala duwan ayaa sheegay in ay waqtigii la gaaray in siyaasadda Soomaaliya lagu hago midnimo, daacadnimo, iyo dib-u-heshiisiin dhab ah.

Kormeerayaasha siyaasadda Muqdisho waxay rumeysan yihiin in isbahaysigan cusub uu yeelan karo saameyn weyn oo beddeli karta jihada siyaasadeed ee dalka marka ay doorashadu soo dhowdahay.