Xamza Cabdi Barre ayaa booqasho rasmi ah ku tagay dalka Kenya, kadib casuumaad uu ka helay dowladda Kenya

 Ra’iisul Wasaare Hamza Berri oo booqasho rasmi ah ku tagay dalka Kenya

Maanta waxaa dalka Kenya booqasho rasmi ah uga bilaabanaya Ra’iisul Wasaaraha Soomaaliya Xamza Cabdi Barre, kadib markii uu casuumaad ka helay dowladda Kenya.

Booqashadan ayaa Berri lagu wadaa inuu la kulmo madaxda Kenya oo uu kala hadlo xoojinta xiriirka Soomaaliya iyo Kenya.

War-saxaafadeedka ka soo baxay Xafiiska Ra’iisul Wasaaraha Soomaaliya ayaa lagu sheegay in socdaalka uu inta badan la xiriiro iskaashiga iyo xoojinta xiriirka labada dal ee deriska ah.

Kenya ayaa ka mid ah dalalka ay ciidamada Midowga Afrika ka joogaan Soomaaliya, waxayna Nairobi ciidamadeeda u soo dirtay Soomaaliya sannadkii 2011-kii, si ay ula dagaalamaan kooxaha xiriirka la leh Al-Qaacida.