Xasan Sheekh, ayaa kormeeray Munaasabadda uu xilka kula wareegayay Agaasimaha cusub ee Hay’adda Nabad Suggida iyo Sirdoonka Qaranka, Mudane Mohd Maxamed

 Madaxweyne Xasan Sheekh ayaa kormeeraya xilka Agaasimaha cusub ee Hay’adda Sirdoonka iyo Nabadsugida Qaranka

Maanta oo Sabti ah, Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kormeeray Munaasabadda uu xilka kula wareegayay Agaasimaha cusub ee Hay’adda Nabad Sugidda iyo Sirdoonka Qaranka Mudane Mohd Maxamed Salaad oo uu xilka kala wareegay Agaasimihii hore ee Hay’addaasi C/llaahi Maxamed Cali “Sanbaluuli”.

Munaasabadda oo lagu qabtay xarunta Hay’adda Sirdoonka iyo Nabadsugidda Qaranka ee magaalada Muqdisho ayaa waxaa ka qeyb galay mas’uuliyiin ka tirsan dowladda iyo laamaha amniga oo uu ka mid ahaa Wasiirka Amniga Gudaha C/llaahi Sheekh Ismaaciil Fartaag; Guddoomiyaha Gobolka Banaadir ahna Duqa Muqdisho, Xasan Maxamed Xuseen Muungaab; Taliyaha Ciidanka Booliska Soomaaliyeed General Asad C/laahi Cismaan iyo Saraakiil kale oo ka tirsan Hay’adaha ammaanka Qaranka.

Madaxweyne Xasan Sheekh ayaa ku ammaanay Mudane Sanbal’ushi waxqabadkiisa iyo ka qeyb qaadashada amniga dalka, gaar ahaan la dagaallanka argagixisada, wuxuuna carrabka ku adkeeyay in dowladda Soomaaliya ay sii wadi doonto sida ay uga go’an tahay ilaalinta dalka iyo ka hortagga khatarta kooxaha xagjirka ah.

Madaxweynaha ayaa kula dar daarmay Agaasimaha cusub ee Hay’adda Nabad Sugidda iyo Sirdoonka Qaranka Mudane Mohd Mohamed Salad in uu sii wado horumarka ay ku talaabsatay Hay’adda, iyadoo la xoojinayo howlgallada ka dhanka ah argagixisada, kor u qaadista wadashaqeynta hay’adaha, iyo in la helo kalsoonida shacabka ee Hay’adda si looga hortago khataraha argagixisada.

Kala-guurkaani wuxuu ka dhigan yahay xaqiijin cusub oo ku saabsan go'aanka Dowladda ee lagu xoojinayo hoggaanka amniga qaranka iyo hubinta sii wadida dadaallada lagu ilaalinayo xasilloonida Soomaaliya iyo badbaadada muwaadiniinteeda.