Xamza Cabdi oo Muqdisho ku soo gabagabeeyay Madasha Hanuuninta Istiraatiijiyadeed ee Maamulka Casriga ah ee Golaha Wasiirada Soomaaliya

 Ra'iisul Wasaare Hamzah oo soo gabagabeeyay Madasha Hanuuninta Istiraatiijiyadeed ee Dowladnimada Casriga ah

Khudbadii Ra’iisul Wasaaraha Xukuumadda Soomaaliya

Ra’iisul Wasaaraha Xukuumadda Federaalka ah ee Soomaaliya, Xamza Cabdi Barre, ayaa magaalada Muqdisho ku soo xiray Shirka Madasha Istiraatiijiyadeed ee Golaha Wasiirada ee Xukuumadda Soomaaliya.

Ra’iisul Wasaare Xamzah ayaa sheegay in shacabka Soomaaliyeed ay awood iyo caqli u leeyihiin sidii ay uga gudbi lahaayeen caqabadaha soo noq-noqda ee dhanka amniga, faqriga, musuq-maasuqa, waa haddii ay ku taagnaadaan wadada saxda ah ee loo marayo dowladnimada casriga ah.

Khudbadii Xamza Cabdi uu u jeediyay shacabka Soomaaliyeed

Ra’iisul Wasaare Barre oo hadalkiisa sii wata ayaa xusay in wadada loo marayo is bedel dowladeed oo xooggan ay u baahan tahay in si wadajir ah loo wada shaqeeyo si loo xaqiijiyo in shacabka Soomaaliyeed ay ka mira dhaliyaan dadaallada wadajirka ah.

Ra’iisul Wasaaraha ayaa kula dar daarmay xubnaha Xukuumaddiisa inay ka faa’ideystaan ​​aqoontooda iyo khibraddooda si loo horumariyo xaaladda shacabkooda, isla markaana ay xoojiyaan ballanqaadyadooda ku aaddan dowlad wanaagga, hufnaanta iyo isla xisaabtanka.