Wasiirka Arrimaha Gudaha Mudane Axmed Macalin Faki ayaa kulan la qaatay Safiirka Boqortooyada Sacuudiga

 Soomaaliya iyo Sacuudiga ayaa ka wada hadlaya sidii ay isaga kaashan lahaayeen xasilinta deegaanada laga saaray Al-Shabaab

Axadii, Wasiirka Arrimaha Gudaha Xukuumadda Federalka Somaliya, Axmed Macalin Faki, ayaa Magaalada Muqdisho kula kulmay Safiirka Boqortooyada Sacuudi Carabiya, Danjire Axmed bin Maxamed Al-Muwallad.

Kulanka dhexmaray Wasiirka iyo Safiirka ayaa looga hadlay sidii Soomaaliya iyo Sacuudiga ay isaga kaashan lahaayeen xasiloonida deegaanada laga saaray Al-Shabaab.

Wasiirka Arrimaha Gudaha Xukuumadda Federaalka Soomaaliya Mudane Axmed Mucalim Faki ayaa uga mahad celiyay Boqortooyada Sacuudiga taageerada ay Soomaaliya ka siiso dhanka dhismaha Qaranka.

Dhankiisa Safiirka Boqortooyada Sacuudi Carabiya u fadhiya magaalada Muqdisho ayaa uga mahadceliyey Wasiirka Arrimaha Gudaha Federaalka booqashada uu ku yimid xarunta safaaradda ee magaalada Muqdisho.