Madaxweynaha Soomaaliya oo gaaray Addis Ababa

 Madaxweynaha Soomaaliya Xasan Sheekh Maxamuud ayaa gaaray magaalada Addis Ababa si uu uga qeyb galo shir madaxeedka 36-aad ee Midowga Afrika

Addis Ababa- Madaxweynaha Soomaaliya Xasan Sheekh Maxamuud iyo wafdi uu hoggaaminayo ayaa maanta oo Arbaco ah gaaray magaalada Addis Ababa ee xarunta dalka Itoobiya.

Madaxweynaha oo ay wehelinayeen ku xigeenno, wasiirro, la-taliyeyaal iyo gacan-yarayaal sare, ayaa waxaa garoonka diyaaradaha ee Bole ee magaalada Addis Ababa ku soo dhaweeyay Ra’iisul Wasaaraha Itoobiya Abiy Axmed.

Madaxweyne Maxamuud ayaa maanta wada hadal la yeelan doona Ra’iisul Wasaaraha Itoobiya Abiy Axmed oo ay ka wada hadli doonaan xiriirka labada dal iyo arrimo quseeya.

Itoobiya ayaa ciidamadeeda ku biirisay howlgalka Midowga Afrika si ay dowladda Soomaaliya uga taageerto iska horimaadyada ka dhanka ah dagaalyahannada Al-Shabaab iyo sidii loo heli lahaa amni iyo xasillooni.