Qorraxda ka weyn... NASA ayaa daabacday sawir la yaab leh oo xiddigta fog
Wakaaladda hawada sare ee Maraykanka ee “NASA” ayaa daabacday sawiro yaab leh oo aan hore loo arag oo muujinaya xiddig weyn oo ku taal meel aad uga fog dhulka, waxaana la qiyaasayaa in ay aad uga iftiin badan tahay qorraxda.
Sida lagu sheegay daraasad dhowaan lagu daabacay joornaalka “Nature Astronomy”, sawirrada waxaa qaaday telescope-ka “James Webb” ee hawada sare, taasoo ah tallaabo cilmi ah oo iftiiminaysa habka qorraxda.
Xiddigga oo ku yaalla meel 25-sanno-light-jir ah oo ay ku hareeraysan yihiin suunka boodhka ah oo dhererkiisu dhan yahay 14 bilyan oo mayl ayaa loo bixiyay "Forma Hot".
Saynis yahanadu waxa ay sharaxeen in xidigta guud ahaan ay ku wareegsan yihiin laba suun oo ay weheliyaan daruur aad u wayn oo boodh ah,sida ay muujinayso xog laga helay telescope toban bilyan oo dollar ah.
Xogta saynisyahanadu waxay tilmaamaysaa in xiddiga la sawiray uu 15 jeer ka iftiin badan yahay kooxdayada.
Cilmi-baadhayaashu waxay hore u rumaysnaayeen inay heleen meeraha ku wareegsan xiddigan, laakiin markii dambe waxay noqotay burbur ka dhashay isku dhac ka dhacay hawada sare.
Saynis yahanadu waxa ay u arkaan in daahfurka labadan suun ee ku xidhan xiddiga ay tahay calaamad xoojinaysa mala-awaalka ah in uu jiro meere uu isagu leeyahay, lagana yaabo in uu yahay meere ay shisheeyuhu ku nool yihiin, sida uu qoray wargeyska Daily Mail.
Daraasadan oo uu kormeerayay cilmi-baare Andras Gaspas, oo ka tirsan Jaamacadda Arizona, USA, ayaa sheegay in xiddigani uu u muuqdo meel suurtagal ah oo loogu talagalay nidaamka meeraha oo leh dhaqdhaqaaq.
Xiddigtan, oo da'deedu tahay 440 milyan oo sano, waxay leedahay miisaan ka badan ta Qorraxda aynu naqaanno, qiyaastii laba jeer (1.92).
0 Comments