Dadku waxay aad u jecel yihiin maalin kasta inay cabbaan xaddi kala duwan oo biyo ah, iyaga oo aan ogayn in cadadkaas ay ku habboon yihiin iyo in kale, xilli ay dhakhaatiirtu ka digayaan in xad-dhaafka ama dayacaadda dareerahaasi ay saameyn xun ku yeelan karto caafimaadka aadanaha.
Waxaa la og yahay in jirka bini'aadamka uu ka kooban yahay qiyaastii 60 boqolkiiba biyaha, waxaana qofku si joogto ah u luminayaa xaddi biyo ah maalintii oo dhan, kaadida, dhididka iyo neefsashada.
Healthline waxa ay sheegtay in khubarada caafimaadku ay inta badan ku taliyaan siddeed koob oo biyo ah, kuwaas oo u dhiganta laba litir, taas oo muujinaysa in khubarada qaar ay aaminsan yihiin in qofku u baahan yahay in uu si joogto ah u cabbo biyaha, xitaa marka aanu dareemayn haraad.
Tiradani maaha mid khaldan, laakiin daraasado dhowaan lagu sameeyay xaddiga biyaha ayaa wax badan ka soo baxay, oo noqday kuwo sax ah.
Sida laga soo xigtay website-ka "Fortune Well": "Talada qaadashada maalinlaha ah ee biyaha hadda waxay ku xiran tahay jinsiga qofka, da'da, iyo hawl maalmeedka."
Akademiyada Qaranka ee Sayniska, Injineerinka, iyo Daawada waxay ku talinaysaa celcelis ahaan qaadashada biyaha maalinlaha ah ee ku saabsan 3.7 litir ragga iyo ilaa 2.7 litir dumarka. Waxaa aad loo filayaa in cadadka loo baahan yahay qof kasta maalintii ay ku dhowdahay saamigan.
Akadeemiyada ayaa sheegtay in cabitaannada ay ka mid yihiin biyaha iyo cabitaannada kale sida shaaha iyo casiirka iyo cuntooyinka qaarkood.
Waxyaabaha saameeya xadiga biyaha ee qofku u baahan yahay waxaa ka mid ah meesha uu ku nool yahay (kuleyl iyo qabow, qoyan ama qalalan...), cuntadiisa (haddii dhammaan cuntadiisu ay tahay kulayl, milix iyo sonkor leh, wuxuu u baahan doonaa xaddi badan oo biyo ah), iyo halka uu ku qaato maalintiisa (waxaa jira farqi u dhexeeya inaad maalinta ku qaadato xafiiska ama guriga iyo inaad ku qaadato qorraxda), iyo dhaqdhaqaaqiisa ciyaaraha (nooca dhaqdhaqaaqa ciyaaraha ayaa saameeya qadarka biyaha loo baahan yahay).
0 Comments